श्रीमानको हत्या गरेको आराेपमा देवचुलीबाट श्रीमती पक्राउ

१०९९ पटक पढिएको

नवलपुर- श्रीमानको हत्या गरेको आराेपमा नवलपुर प्रहरीले श्रीमतीलाई पक्राउ गरेको छ ।

गएराति देवचुली नगरपालिका  वडा नं. ४ रानाचाेकबाट खेमबहादुर घर्तीको हत्या गरेको आशंकामा उनकै श्रीमती २३ बर्षीया सावित्री राजवंशीलाई पक्राउ गरेको जिल्ला प्रहरी कार्यालय नवलपुरका प्रहरी नायव उपरीक्षक दिलीपकुमार गिरीले जानकारी गराउनुभयो।

घर्ती आफ्नै घरको कोठामा रहेको सिलिङको पंखामा नाइनलको डोरीले घाँटीमा पासो लगाइ झुण्डिएको भन्दै उपचारका लागि देवचुली अस्पताल ल्याईएकोमा उनको राति नै निधन भएको थियो ।

श्रीमतीले धारिलो हतियार प्रयोग गरि हत्या गरेको आशंका प्रहरीले गरेको छ। श्रीमतीले झुण्डिएको बहाना बनाएको भन्दै घटना शंकास्पद देखिएकोले अनुसन्धान भईरहेको गिरीले  बताउनुभयाे ।

मृतकको शव पोष्टमार्टक लागि मध्यविन्दु जिल्ला अस्पताल डण्डामा राखिएको छ ।