“तीन” मुक्तकहरु

५१० पटक पढिएको

हराउँछ शुन्दरता बनमाराले बन मारेपछि,
उस्तै हुन्न रहन्न विश्वास झनझन मारेपछि।

तर्कहिन उत्तर तिम्रा अर्थहिन संवाद संधै,
के पलाउँथ्याे हुर्किन्थ्याे जरैदेखि मन मारेपछि ।

 

देश हाेस मनमा अटल स्नेह अनि प्रेमकाे साैगात हाेस,
सुभाषरुपि सदावहार अनुराग अनि फुलहरुकाे बर्षात हाेस।
खुसि हुने बाहाना भेटुं कष्ट झेल्दै जीवन जिउने कला सिकुं
दु:खमा आफ्नाकाे साथ हाेस अनि शिरमा बावुआमाकाे हात हाेस।

 

मेराे भन्दा माया बेसि पाएपछि हराईन उनी,
जिउने मर्ने कसम अन्तै खाएपछि हराईन उनी ।
नलत्याउनु प्रेम उसकाे मलाई जस्तै नरुवाउनु,
बाटै फेरिन धनकाे भेलले बगाएपछि हराईन उनी।

लेखकबाट थप:

गुल्मेली ढकालका “तीन” मुक्तक

ढकाल हाल गैँडाकोट नगरपालिकामा कार्यरत छन्।