बैशाख १४ गते “अवसर एकेडेमी फुटसल कप प्रतियोगिता” हुँदै

२३१ पटक पढिएको

चितवन। चितवनमा फुटसल प्रतियोगिता हुने भएको छ । अवसर एकेडेमीले आईटी पढ्दै गरेका विद्यार्थीहरुलाई लक्षित गर्दै फुटसल प्रतियोगिता आयोजना गर्ने भएको हो ।

भरतपुरलाई आइटी हबको रुपमा चिनाउँदै योगदान पुर्याउन र आईटी समुदायलाई अझ बलियो बनाउन यस फुटसल आयोजना गर्न लागिएको अवसर एकेडेमीका प्रबन्ध निर्देशक सौगात देवकोटाले नवलपुर अनलाइनलाई जानकारी गराउनुभयो।

भरतपुर-१० स्थित प्रेसिडेन्सी कलेजमा बैशाख १४ गते प्रतियोगिता हुने प्रतियोगितामा सहभागी हुनको लागि बैशाख १३ गतेसम्म टिम दर्ता गर्नुपर्ने आयोजकले जनाएको छ । टिमका लागि दर्ता शुल्क २५०० रुपैयाँ लाग्नेछ ।

प्रतियोगितामा विजेता टिमले ४० हजार, पहिलो रनरअपले २० हजार, उत्कष्ठ खेलाडीले तीन हजार, उत्कृष्ठ गोलकिपरले एक हजार र सबैभन्दा बढी गोल गर्ने खेलाडीले तीन हजार पुरस्कार पाउनेछन् ।

टिम दर्ता गर्नको लागि लिङ्क (https://forms.gle/ir5ibRWPvDpfBQM37) भिजिट गर्न सकिने आयोजकले बताएको छ ।

हालै मात्र वर्डप्रेस सम्बन्धी एक महिने अनलाइन तालिम सम्पन्न गरेको अवसर एकेडेमी प्रविधि कम्पनी एसडी टेकको सहायक कम्पनी हो। अवसर एकेडेमीले आधारभूत तहदेखि वर्डप्रेस सम्बन्धी तालिम दिएको थियो। तालिममा २० जना भन्दा बढि वेबसाईट डिजाईनिङ्ग मा रूची राख्ने युवाहरूको उपस्थिति रहेको देवकोटाले बताउनुभयो। निकट भविष्यमै आईटी र वेब डेभलपमेन्ट सम्बन्धि थप तालिमहरू संचालनको तयारी गरेको एकेडेमीले बताएको छ।

सम्बन्धित समाचार:

अवसर एकेडेमीले वर्डप्रेस सम्बन्धी एक महिने अनलाइन तालिम सञ्चालन गर्ने