राष्ट्रपतिका आर्थिक सल्लाहकार नेपालले दिएको राजीनामा स्वीकृत

१९० पटक पढिएको

काठमाडौँ। नेपाली नोटमा नयाँ नक्सा छाप्ने विषयमा विवादित अभिव्यक्ति दिएका राष्ट्रपति रामचन्द्र पौडेलका आर्थिक सल्लाहकार डा. चिरञ्जीवी नेपालले पदबाट राजीनामा दिएका छन्।

राष्ट्रपति पौडेलले स्पष्टिकरण सोधेपछि नेपालले राष्ट्रपतिको सल्लाहकार पदबाट राजीनामा दिएका हुन्। राष्ट्रपति पौडेलले आजै राजीनामा स्वीकृत गरिसकेका छन्।

नेपालले एक सय रुपैयाँको नोटमा नयाँ नक्सा छाप्ने मन्त्रिपरिषदको निर्णयबारे सञ्चार माध्यममा विवादित टिप्पणी गरेका थिए । त्यसपछि उनको आलोचना भइरहेको थियो।

आलोचना हुन थालेपछि राष्ट्रपति पौडेलले नेपालसँग स्पष्टिकरण सोधेका थिए। जसमा नेपालले आफूले राष्ट्रपतिको सल्लहकारको नाताले नभइ नेपाल राष्ट्र बैंकको पूर्व गभर्नरको नाताले टिप्पणी गरेको जवाफ दिएका थिए।