पत्रकार महासंघ नवलपुरको कार्यालयमा प्रेस युनियनले लगायो ताला

३८४ पटक पढिएको

गैँडाकोट,असार ८। नेपाल प्रेस युनियन नवलपुर शाखाले नेपाल पत्रकार महासंघ नवलपुरको कार्यालयमा तालाबन्दी गरेको छ।

पत्रकार महासंघको सदस्य शुद्धीकरण बिधान अनुसार गर्न र सदस्यता शुद्विकरण उपर भएको मनपरी अन्त्य गर्नूपर्ने माग राख्दै महासंघ नवलपुरको नयाँ भवनमा ताला लगाएको प्रेस युनियन नवलपुरका अध्यक्ष खगराज सापकोटाले नवलपुर अनलाईनलाई बताउनुभयो।

कावासोती स्थित महासंघको नयाँ भवनमा आज बिभिन्न ८ वटा माग राख्दै युनियनले कालो ब्यानर सहित मूलगेटमै ताला लगाएका हुन्।

पत्रकार महासंघले सार्वजनिक गरेको नामावली नसच्याई, सदस्यतालाई पूर्णता नदिई साधारणसभा र अधिवेशन लगायतका कुनै पनि कार्यक्रम अगाडि नबढाउन भन्दै पत्रकार महासंघ नवलपुरका अध्यक्ष बिरेन्द्र पराजुलीलाई आज ज्ञापन पत्र बुझाएका छन्।