कावासोतीमा ढुङ्गा प्रहार गरि छोराले गरे बाबुको हत्या

७०७ पटक पढिएको

कावासोती, साउन ४। नवलपुरको कावासोती नगरपालिकामा ढुङ्गा प्रहार गरि छोराले आफ्नै बाबुको हत्या गरेका छन्।

जि.प्र.का.न.प.(पूर्व)-(ढुङगाले प्रहार गरी मृत्यु)- मिति २०८१।०४।०२ गते अ.११:२० बजे जि.न.प.(पूर्व)

कावासोती नगरपालिका वडा नं. ५ ठकुरीचोक बस्ने वर्ष ४३ का प्रेम कुमाललाई निजको सहोदर छोरा बर्ष १८ का निराजन कुमालले ढुङ्गा प्रहार गरि हत्या गरेका हुन्।

निज प्रेम कुमालको टाउकोमा लाग्न गई घटनास्थलमा नै मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक वेद बहादुर पौडेलले जानकारी दिनुभयो।

निज बाबुछोरा बिच घरमा पालेको कुकुरलाई बुबाले पिटेको बिषयलाई लिएर झै-झगडा गर्ने क्रममा निराजन कुमालले बाबुलाई ढुङ्गाले प्रहार गरेका थिए।

घटनाको जानकारी प्राप्त हुनासाथ प्र.नि.बिक्रम रिजालको कमाण्डमा ७ जनाको टोली खटी गई कुटपिट गर्ने व्यक्तिलाई नियनत्रणमा लिएको अन्य अनुसन्धान कार्य भईरहेको प्रहरी बताएको छ।