मुग्लिङ सडकखण्डको घुमाउनेमा बस दुर्घटना, १० यात्रु घाइते २ को अवस्था गम्भीर

७३५ पटक पढिएको

भदौ ९,चितवन। मुग्लिङ सडक खण्डको घुमाउनेमा बस दुर्घटना हुँदा १० भन्दा बढि यात्रु घाइते भएका छन्।

भरतपुर महानगरपालिका २९ नारायणगढ मुग्लिङ सडक खण्ड अन्तर्गतको घुमाउने भन्ने स्थानमा महेन्द्रनगरबाट काठमाण्डौ जादै गरेको सु.प्र.प्र.०२-००१ ख १३३२ नं.को बस आफै अनियन्त्रित भई सडक साईडको डिभाईडरमा ठोकिई दुर्घटना भएको जिल्ला प्रहरी कार्यालय चितवनले जानकारी दिएको छ।

आज बिहान करिब ०७:१५ बजेको समयमा सो दुर्घटना भएको हो। घाईतेमध्ये १५ जनालाई सिएमसी अस्पताल भरतपुरमा भर्ना गरिएको छ। घटनाको बारेमा थप अनुसन्धान भैरहेको प्रहरीले बताएको छ। घाइतेमध्ये २ को अवस्था गम्भीर रहेको छ।