श्रीकेश तेललाई काठमाडौं महानगरद्धारा २ लाख रुपैयाँ जरिवाना

९५ पटक पढिएको

काठमाडौं, भदौ १३- श्रीकेश तेल उत्पादक कम्पनी सप्तऋषि ओयल एण्ड कस्मेटिक इण्डष्ट्रीलाई काठमाडौँ महानगरपालिकाले २ लाख रुपैयाँ जरिवाना गरेको छ ।

कम्पनीसँग माग गरिएका विवरणका आधारमा तयार पारिएको प्राविधिक विश्लेषण प्रतिवेदनमा गुणस्तर पुष्टि हुन नसकेपछि कारवाही गरिएको निरीक्षण अधिकृत डा. अवधेश झाले जानकारी दिए ।

तेलको गुणस्तरका विषयमा गुनासो आएपछि महानगरपालिकाले असार ७ गते विवरण माग गरेको थियो । प्राप्त विवरणका आधारमा प्रतिवेदन तयार पारि सोही प्रतिवेदनका आधारमा जरिवाना गरिएको झाले बताए।