बहिनीलाई बलात्कार गरेको आरोपमा दाजु पक्राउ

२६२ पटक पढिएको

बझाङ: आफ्नै सहोदर बहिनीलाई बलात्कार गरेको आरोपमा बझाङमा दाजु पक्राउ परेका छन्। १२ वर्षीया बहिनीलाई बलात्कार गरेको आरोपमा १९ वर्षीय दाजुलाई प्रहरीले पक्राउ गरेको हो।

आइतबार बेलुकी घाँस काट्न गएकी बालिकामाथि मोबाइल र पैसाको लोभ देखाएर बलात्कार गरेको प्रहरीले जनाएको छ।

बालिकाले घटनाबारे बताएपछि सोमबार उनकी आमाले प्रहरीमा उजुरी दिएकी थिइन्। बालिकाको स्वास्थ्य परीक्षण गरि सुरक्षित घरमा राखिएको छ।

आरोपीमाथि जबरजस्ती करणीअन्तर्गत मुद्दा चलाइएको जिल्ला प्रहरी कार्यालय बझाङका डिएसपी ज्ञानबहादुर विष्टले बताए।