म्यादी प्रहरीमा २ लाख ८० हजार ४९५ जनाको आवेदन

२९२ पटक पढिएको

काठमाडौँ: देशभरबाट म्यादी प्रहरीमा २ लाख ८० हजार ४९५ जनाले आवेदन दिएको प्रहरी प्रधान कार्यालयले जनाएको छ।

प्रहरी प्रधान कार्यालयका अनुसार चैत ६ देखि ११ गतेसम्म दरखास्त फारम लिँदा देशभर २ लाख ८० हजार ४९५ जनाले फारम भरेका छन्।

निर्वाचन आयोगले वैशाख ३० गते स्थानीय निर्वाचनको तयारी गरेसँगै म्यादी प्रहरी भर्नाको फारम खुलाइएको थियो।

फारम भरेकाबाट १४ गतेदेखि छनोट सूची प्रकाशनको कार्य सुरू हुने केन्द्रीय प्रहरी प्रवक्ता प्रहरी वरिष्ठ उपरीक्षक विष्णुकुमार केसीले बताए।