कावासोतीमा जुवा खेल्दै गरेका पाँचजना पक्राउ

३४९ पटक पढिएको

कावासोती-नवलपुरको कावासोतीमा जुवा खेल्दै गरेका पाँचजनालाई प्रहरीले पक्राउ गरेको छ ।

गएराति साढे ८ वजे एकलाख ४ हजार ५ सय ९५ रुपैया नगद सहित पाँचजनालाई जिल्ला प्रहरी कार्यालय नवलपुरबाट खटिएको प्रहरीको विशेष टोलीले पक्राउ गरेको हो ।

कावासोती नगरपालिका वडा नं. २ हिमालचोक स्थित एक घरमा जुवा खेलिरहेका उनीहरुलाई विशेष सूचनाको आधारमा पक्राउ गरिएको प्रहरी नायव उपरिक्षक जेसी शाहले जानकारी दिनुभयो ।

पक्राउ परेकाहरुलाई अदालतबाट म्याद थप गरि आवश्यक अनुसन्धान सुरु गरिने प्रहरीले जनाएको छ ।