बाघको आक्रमणबाट विनयी त्रिवेणीमा एक पुरुषको मृत्यु

७३ पटक पढिएको

कात्तिक २,नवलपुर-  नवलपुरको विनयी त्रिवेणी गाउँपालिकामा बाघको आक्रमणबाट एकजना पुरुषको मृत्यु भएको छ।

आज दिउँसो विनयी त्रिवेणी गाउँपालिका– १ लक्ष्मीटाँडी निवासी ६३ वर्षीय जीवबहादुर थिङकाे बाघको आक्रमणबाट मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक जेशी शाहले जानकारी दिनुभयो।

बिहान घरदेखि करिब पाँच सय मिटर परको तीनचुली मध्यवर्ती सामुदायिक वनमा घाँस काट्न गएको वेला उनलाई बाघले आक्रमण गरेको थियो।

उनीसँगै वनमा गएका छिमेकी बलराम न्यौपानेमार्फत खबर पाएपछि खोजी गर्ने क्रममा जीवबहादुर थिङ मृत अवस्थामा भेटिएको प्रहरीले जनाएको छ ।

बाघले उनलाई घाँटीमा आक्रमण गरेको प्रहरीले जनाएको छ । दुम्किबास सबडिभिजन वन कार्यालयका कर्मचारीसँग मिलेर घटनास्थलको मुचुल्का तयार पारी शव पोस्टमार्टमका लागि अस्पताल पठाउने तयारी भइरहेको शाहले बताउभुयो ।