नवलपुरका चार पालिकाहरुमा भोलि बिद्युत अवरुद्ध हुने

१७२ पटक पढिएको

गैंडाकोट,कात्तिक २- नवलपुरका चार पालिकाहरुमा भोलि कात्तिक ३ गते बिद्युत अवरुद्ध हुने भएको छ।

जिल्लाको गैंडाकोट, कावासोती, मध्यबिन्दु नगरपालिका र हुप्सेकोट गाउँपालिकाका बिभिन्न वडाहरूमा विद्युत अवरूद्ध हुने भएको हो।

मुकुन्दपुर सवस्टेशनको नयाँ फिडर चार्ज गर्नुपर्ने तथा लोकाहा देखि कावासोती सम्मको जंगलमा रहेका दायाँबायाँका रुखका हाँगाहरू कटान गर्नुपर्ने भएकोले जिल्लाका बिभिन्न पालिकाका वडाहरूमा विद्युत अबरुद्ध हुने  नेपाल विद्युत प्राधिकरण कावासोती वितरण केन्द्र प्रमुख ई. सूर्य नारायण मण्डलले जानकारी दिनुभयो।

गैंडाकोटमा १६ वटा वडाहरूमा सम्भबत दिउसो १२ बजेदेखि करिब दुईघण्टा विद्युत अवरुद्ध हुनेछ मण्डलले नवलपुर अनलाइनसँगको कुराकानीमा बताउनुभयो। बाँकी पालिकाहरूमा बिहान १० बजेदेखि साँझ ५ बजेसम्म विद्युत अबरुद्ध हुनेछ। काम छिट्टै सकिएको खण्डमा विद्युत आपूर्ति छिटो पनि हुनसक्ने उहाँले बताउनुभयो।