रामग्राम नगरपालिका बालमैत्री नगर घोषणा

परासी । पश्चिम नवलपरासीको रामग्राम नगरपालिकालाई बालमैत्री नगर घोषणा गरिएको छ ।

नगरपालिकालले शनिबार आयोजना गरेको कार्यक्रममा लुम्बिनी प्रदेशका मुख्यमन्त्री कुलप्रसाद केसीले बालमैत्री नगरपालिका घोषणा गर्नुभएको हो ।

बालमैत्री नगर घोषणाका लागि आवश्यक पर्ने ५१ वटा सूचक पूरा गरेकाले नगरलाई बालमैत्री घोषणा गरिएको नगरप्रमुख नरेन्द्र कुमार गुप्ताले जानकारी दिनुभयो ।

बालमैत्रीको दिगोपनाका लागि ५ वर्षे रणनीतिक योजनासमेत तयार गरिएको घोषणा सभामा जानकारी दिइएको थियो ।

७ पालिका रहेको जिल्लामा २ नगरपालिका बालमैत्री घोषणा भएका छन् । यसअघि सुनवल नगरपालिका बालमैत्री घोषणा भइसकेको छ ।