भरतपुरमा मोटरसाइकल अनियन्त्रित भई पल्टिँदा एक युवकको मृत्यु

६१ पटक पढिएको

चितवन,कात्तिक १६- भरतपुरमा मोटरसाइकल अनियन्त्रित भई पल्टिँदा एक युवकको मृत्यु भएको छ।

दिउसो करिव १ बजेको समयमा चितवनको भरतपुर वडा नं. २२ स्थित अम्रेलास्टेट नजिक बा.प्र.०२-०५१प १०२१ नम्बरको मोटरसाइकल आफै अनियन्त्रित भई पल्टिँएको थियो।

दुर्घटनामा चालक भरतपुर २२ बस्ने बर्ष ३१ को अशोक भुजेलको मृत्यु भएको जिल्ला प्रहरी कार्यालय चितवनले जनाएको छ।

गम्भिर घाईते भुजेलको नयाँ मेडिकल कलेज भरतपुरमा उपचारको क्रममा दिउसो २:१३ बजेको समयमा मृत्यु भएको हो। मोटरसाइकल प्रहरीको नियन्त्रणमा रहेको छ।