मेघौलीमा गैंडाको आक्रमणबाट पथप्रदर्शक घाइते

६२ पटक पढिएको

चितवन, कात्तिक २४– चितवनको मेघौलीस्थित सामुदायिक वनमा एक सिंगे गैंडाको आक्रमणबाट पथप्रदर्शक घाइते भएका छन्।

चितवन राष्ट्रिय निकुञ्जको मध्यवर्ती क्षेत्रमा पर्ने सदाबहार सामुदायिक वनमा विदेशी पर्यटकलाई घुमाउनेक्रममा गैंडाले आक्रमण गरेको हो।

आक्रमणमा भरतपुर-२७ सिसौघारी टोल बस्ने २८ वर्षीय पथप्रदर्शक जगबहादुर माझी घाइते भएको जिल्ला प्रहरी कार्यालय चितवनले जानकारी दिएको छ।

गैंडाकोट आक्रमणबाट माझिको पेटमा चोट लागेको छ।  उनको भरतपुर अस्पतालमा उपचार भइरहेको प्रहरीले बताएको छ।