बागलुङ जिप दुर्घटना : एकै गाउँका ५ जनाको मृत्यु

९४ पटक पढिएको

बागलुङ — बाग्लुङ्गको ढुंगाखानीमा पिकअप जिप दुर्घटनामा एउटै गाउँका ५ जनाको मृत्यु भएको छ । घटनामा एक जना गम्भीर घाइते भएका छन् ।

जैमिनी नगरपालिका वडा नम्बर–८ को केवैबाट सदरमुकाम बागलुङ आउँदै गरेको ग २ च ९२४७ नम्बरको जिप सोमबार बिहान ८:३० बजे  दुर्घटनामा परेको थियो।

घटनामा जैमिनी नगरपालिका–८ केवइका ३८ वर्षीय चालक महेन्द्र पुन, उनकै छिमेकी २० वर्षकी रश्मी श्रीष, ५० वर्षकी नन्दकली पुन, १७ वर्षका निरज श्रीष र ७५ वर्षीय कुलप्रसाद श्रीषको मृत्यु भएको प्रहरी निरीक्षक केशव थापाले जानकारी दिए । घटनामा सोही गाउँका ४५ वर्षीय गंगाबहादुर श्रीष गम्भीर घाइते छन् । घाइतेको धौलागिरि अस्पताल उपचार भैरहेको छ।