१३ किलो गाँजासहित महिला पक्राउ

६९ पटक पढिएको

मंसिर ८,परासी — नवलपरासीको रामग्राम नगरपालिकाबाट १३ किलो ८ सय ८० ग्राम गाँजासहित प्रहरीले एक महिला पक्राउ गरेको छ।

पक्राउ पर्नेमा रामग्राम नगरपालिका-१२ पचगावा बस्ने  ५० वर्षीया रेशमादेवी भर रहेको जिल्ला प्रहरी कार्यालय नवलपरासीका डीएसपी रेशम बोहराले बताउनुभयो।

रेशमादेवीले घरमा लागूऔषध बिक्री वितरण भइरहेको भन्ने सुराकीका आधारमा प्रहरीले आज शनिबार छापा मारेर उक्त परिमाणको गाँजा बरामद गरेको बोहराले जानकारी दिनुभयो।

पक्राउ परेकी भरलाई प्रहरीले नियन्त्रणमा लिएर आवश्यक अनुसन्धान गरिरहेको बताएको छ।