कुन दिशातर्फ सिरानी बनाएर सुत्नु उत्तम मानिन्छ?

वास्तुशास्त्र अनुसार पूर्वतिर सिरानी बनाएर सुत्दा विद्या प्राप्त हुन्छ । उत्तर सिरानी बनाउँदा हानी वा मृत्युसमान कष्ट हुनुका साथै दुर्घटना, नराम्रो सपना देख्ने, निद्रा नपुग्ने वा आराम प्राप्त नहुने हुन्छ ।

पश्चिमतर्फ सिरानी बनाउँदा अत्यधिक चिन्ता हुन्छ भने दक्षिण सिरानी बनाएर सुत्दा धन र आयु वृद्धि हुने भनिएको छ । वैज्ञानिक पक्ष अनुसार पृथ्वीमा चुम्बकीय तत्त्वको प्रभाव हुन्छ । यसमा दक्षिणबाट उत्तरतर्फ लगातार चुम्बकीय तरंग प्रवाहित भइरहेको हुन्छ ।

जसका कारण दक्षिणतर्फ शिर राखेर सुत्दा यी ऊर्जा हाम्रो शरीरमा प्रवेश गर्छन् र खुट्टाबाट निस्किएर बाहिर जान्छन् । फलस्वरूप बिहान उठ्दा मानिसले ताजगी महसुस गर्छन् ।

तर, उत्तरतर्फ टाउको राखेर सुत्यौँ भने शरीरमा विपरीत ढंगले चुम्बकीय तरंग प्रवाहित हुन्छ । ऊर्जा खुट्टाबाट प्रवेश गरेर टाउकोबाट निस्कन्छ । यसको साइड इफेक्टस्वरूप हामीलाई मानसिक एवं शारीरिक समस्या हुन्छ । यस्तो सुताइ अल्जाइमर वा मस्तिष्कसम्बन्धी समस्याका साथै उच्च रक्तचापको कारण बन्न सक्छ ।

पूर्वी दिशामा सिरानी बनाएर सुत्दा यसले स्वास्थ्य एवम् मानसिकतामा राम्रो प्रभाव पार्छ । जसमा सूर्योदय हुने स्थानतिर खुट्टा फर्काएर सुत्दा त्यसको प्रभाव प्रतिकूल देखा पर्छ अर्थात् पश्चिमतर्फ सिरानी पारेर सुत्नु राम्रो मानिँदैन ।