मुग्लिन-नारायणगढ सडकखण्डमा ट्रक दुर्घटनाः २ जनाको मृत्यु, २ को अवस्था गम्भीर

१४४ पटक पढिएको

चितवन-  मुग्लिन-नारायणगढ सडकखण्डमा ट्रक दुर्घटना हुँदा दुई जनाको मृत्यु भएको छ भने अन्य तीन जना घाईते भएका छन् ।

ईच्छाकामना गाउँपालिका-६ नौकिलोमा हिजो साँझ बा.प्र.०३००१ ख ३४९० नम्वरको चामल बोकेको ट्रक आफैं अनियन्त्रित भई दुर्घटनामा परेको हो ।

मृत्यु हुनेमा मकवानपुर गडी गाउँपालिका निवासी दिपक दाहाल र श्याम बजगाईं रहेको ईलाका प्रहरी कार्यालय मुग्लिनले जनाएको छ ।

सो दूर्घटनामा घाइते भएका तीन जनाको चितवनस्थित भरतपुर अस्पतालमा उपचार भईरहेको छ । घाइतेमध्ये दुई जनाको अवस्था गम्भीर रहेको  छ। ट्रक सडकको कुनामा गएर पल्टिएका कारण घाईतेहरुको च्यापिएको अवस्थमा उद्दार गरिएको थियो ।