सुदूरपश्चिमले विराटनगरलाई दियो १८३ रनको लक्ष्य

१४६ पटक पढिएको

काठमाडौँ । नेपाल प्रिमियर लिग (एनपीएल) क्रिकेटअन्तर्गत मंगलबार जारी पहिलो खेलमा सुदूरपश्चिम रोयल्सले विराटनगर किङ्सलाई जितका लागि एक सय ८३ रनको लक्ष्य दिएको छ ।

टस हारी पहिले ब्याटिङको निम्तो पाएको सुदूरपश्चिम रोयल्सले निर्धारित ओभरमा सात विकेट गुमाएर एक सय ८२ रन बनाएको हो ।

सुदूरपश्चिम रोयल्सका लागि कप्तान दीपेन्द्रसिंह ऐरीले अविजित ५७ रन बनाए । सातौँ नम्बरमा क्रिज समाल्न आएर आक्रामक रूपमा प्रस्तुत भएका उनले केवल २४ बलमा पाँच छक्का र तीन चौका पनि प्रहार गरे ।

कीर्तिपुरस्थित अन्तर्राष्ट्रिय क्रिकेट मैदानमा जारी खेलमा सुदूरपश्चिम रोयल्सका लागि ओपनर विनोद भण्डारीले पनि २३ रनको योगदान गरे । विकेटकिपर ब्याट्सम्यान विनोदले २० बलमा चार चौका हिर्काए । उनलाई पाँचौ ओभरको चौथो बलमा अनिल खरेलले प्रतिस जिसीद्वारा क्याच गराएका थिए ।