चितवनमा पहिलो पटक अनुहारको हड्डी सिधा गर्ने शल्यक्रिया सफलतापूर्वक सम्पन्न

१८२८ पटक पढिएको

भरतपुर- चितवनमा पहिलो पटक डा.कृष्ण प्रसाद रेग्मीको नेतृत्वमा अनुहारको हड्डि सिधा गर्ने शल्यक्रिया अर्थोग्नाथिक सर्जरी सफलतापूर्वक सम्पन्न भएको छ।

मुख तथा मेंक्सिलोफेशियल सर्जन डा.रेग्मीका अनुसार विगतमा गरिएका दन्त विद्याका महत्त्वपूर्ण सर्जरीमध्ये यो अर्को ठूलो सर्जरी भएको उहाँले बताउनुभयो ।

अनुहारको हड्डि सिधा गर्ने सुधारात्मक शल्यक्रिया अनुहारको असमानता ,खाना खाँदा टोकाइको समस्या र कार्यात्मक कठिनाइहरूको उपचारका लागि यो सर्जरी प्रभावकारी हुने चिकित्सकहरुको भनाइ छ ।

यसले बिरामीको शारीरिक बनोट मात्रै होइन, आत्मविश्वास र जीवनस्तर सुधार्नमा समेत महत्वपूर्ण भूमिका खेल्नेमा विज्ञहरुको भनाइ छ ।
भरतपुरमा पछिल्लो समय महत्त्वपूर्ण थ्री डी भर्चुअल सर्जिकल प्लानिङ प्रविधि सफलतापूर्वक सम्पन्न भैरहेका छन् । दन्त सेवा लिन आउने बिरामीमा पनि विश्वास बढ्दै गएको देखिन्छ ।