कावासोतीमा अटो दुर्घटना, चालकको मृत्यु

३४९६ पटक पढिएको

मंसिर २५-  कावासोतीमा अटो दुर्घटना हुँदा चालकको मृत्यु भएको छ।

आज बिहान करिब ६:३० बजेको समयमा नवलपुरको कावासोती न.पा. २ बेलचोक स्थित बल बहादुर लुङ्गेलिको घरमा पार्किङ गरि राखेको ना ३ स १९७ नं. को (सामान बोक्ने) अटो स्टार्ट गर्ने क्रममा चालकले नियन्त्रण गुमाई अचानक घरको भित्तामा ठोक्किन पुगेको जिल्ला प्रहरी कार्यालय नवलपुरले बताएको छ।

अटो चालक जिल्ला अर्घाखाँची घर भई सोही स्थान डेरा गरी बस्ने वर्ष २८ को अशोक कुमार श्रेष्ठ गम्भिर घाईते भई मध्यबिन्दु जिल्ला अस्पताल डण्डा मा सामान्य उपचार पश्चात थप उपचारको लागि चितवन मेडिकल कलेज भरतपुर पठाईएको थियो।

गम्भीर घाइते श्रेष्ठको उपचारको क्रममा बिहान ०९:१५ वजेको समयमा मृत्यू भएको छ।

घटनास्थलमा प्रहरी टोली खटि गई अटो नियन्त्रणमा लिएको र घटनाको सम्बन्धमा थप अनुसन्धान कार्य भईरहेको प्रहरीले बताएको छ।