एनपीएल : आज जनकपुर र सुदूरपश्चिम तथा काठमाडौं र लुम्बिनी भिड्दै

२८ पटक पढिएको

काठमाडौं, मंसिर २६ । नेपाल प्रिमियर लिग (एनपीएल) मा आज पनि दुई खेल हुँदैछन् ।

पहिलो खेलमा अनिल शाह नेतृत्वको जनकपुर बोल्ट्स र दीपेन्द्रसिंह नेतृत्वको सुदूरपश्चिम रोयल्सबीच प्रतिस्पर्धा हुनेछ भने दोस्रो खेलमा करन केसी नेतृत्वको काठमाडौं गुर्खाज र रोहित पौडेल नेतृत्वको लुम्बिनी लायन्सबीच खेल हुनेछ ।

कीर्तिपुरस्थित त्रिभुवन विश्वविद्यालयको क्रिकेट मैदानमा पहिलो खेल बिहान ९ बजेदेखि सुरु हुनेछ भने दोस्रो खेल दिउँसो १ बजे सुरु हुनेछ ।

आज दिउँसो १ बजे दोस्रो खेल खेल्ने काठमाडौं गुर्खाज र लुम्बिनी लायन्स दुबै टोलीलाई प्लेआफमा पुग्न यो खेल जित्नै पर्ने दबाब छ ।