आज देशभरको मौसम सफा रहने

मंसिर ३०-  हाल देशमा पश्चिमी वायुको सामान्य प्रभाव रहेको छ ।

हाल देशभर मौसम मुख्यतया सफा रहेको छ । तराईका केही स्थानहरुमा हुस्सु / कुहिरो लागेको अवस्था छ ।

दिउँसो र साँझ देशभर मौसम मुख्यतया सफा रहने मौसम पूर्वानुमान महाशाखाले बताएको छ।

बिहानको समयमा तराई तथा उपत्यका केही स्थानहरूमा हुस्सु साथै थोरै स्थानहरुमा कुहिरोको सम्भावना रहेकोले दैनिक जनजीवन,यातायात तथा हवाई उड्डयनमा क्षणिक/आंशिक असर पर्न सक्ने हुनाले आवश्यक सतर्कता अपनाउनु हुन अनुरोध छ।