प्रहरीले बुझायो रवि लामिछानेविरुद्धको अनुसन्धान प्रतिवेदन

२३५ पटक पढिएको

१ पुस, काठमाडौं । कास्की प्रहरीले राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्धको अनुसन्धान सकेर रायसहितको अनुसन्धान प्रतिवेदन सरकारी वकिललाई बुझाएको छ ।

आज सोमबार जिल्ला सरकारी वकिलको कार्यालयमा उक्त अनुसन्धान प्रतिवेदन बुझाएको जिल्ला प्रहरी कार्यालय, कास्कीका डीएसपी वसन्त शर्माले बताए।

प्रहरीले रवि लामिछाने सहित ५१ जनालाई प्रतिवादी बनाउन राय दिएको छ । अहिले पक्राउ परेका ५ जना यसअघि पक्राउ परेका ९ जना र अन्यलाई फरार प्रतिवादी बनाउन राय दिइएको हो । रायसहितको अनुसन्धान प्रतिवेदन ६ सय पेज लामो छ ।

यो मुद्दामा प्रहरीका पूर्वडीआईजी छविलाल जोशी लगायत पनि प्रतिवादी छन् ।