गैँडाकोटमा विद्युत मर्मतका लागि पोलमा चढेका एक पुरुषको मृत्यु

७९४ पटक पढिएको

गैँडाकोट – गैँडाकोटमा विद्युत मर्मतका लागि पोलमा चढेका एक मजदुरको करेन्ट लागेर आज साँझ मृत्यु भएको छ ।

गैँडाकोट नगरपालिका वडा नं. ५ कालिकाचोकमा विद्युतको पोलमा चढेका एक मजदुरको ज्यान गएको हो ।

मृत्यु हुनेमा जाजरकोट भेरी नगरपालीका घर भई हाल जिल्ला नवलपरासी (पूर्व) देवचुली बस्ने वर्ष अं.२३ को आर्यन सिंह ठकुरी रहेका छन्।

विजुली मर्मत गर्ने क्रममा एक्कासी हाईटेन्सन लाइन छोइन पुग्दा करेन्ट लागेर उनको ज्यान गएको हो । कालिकाचोक स्थितमा रहेको पुरानो बिजुलीको पोलबाट नयाँ पोलमा तार सार्ने काम गर्ने क्रममा अचानक करेन्ट लागी (पोलमा नै झुण्डिएर) मृत्यु भएको थियो।

घटनाको बारेमा प्रहरीले अनुसन्धान गरिरहेको छ।