उच्च अदालतको आदेशपछि रास्वपा सभापति लामिछाने पक्राउ

१०५ पटक पढिएको

काठमाडौँ- राष्ट्रिय स्वतन्त्र पार्टीका सभापति रवि लामिछानेलाई प्रहरीले पक्राउ गरेको छ ।

बुटवलको सुप्रिम सहकारीको रकम अपचलन सम्बन्धि मुद्दामा उच्च अदालत तुलसीपुरले लामिछानेलाई थुनामा राखेर अनुसन्धान गर्न आदेश दिएपछि उहाँ पक्राउ पर्नुभएको हो ।

उहाँलाई आफ्नै निवास बुढानिलकण्ठस्थित सिजी हिल्स अपार्टमेण्टबाट पक्राउ गरिएको प्रहरीले जनाएको छ ।

लामिछानेलाई जिल्ला अदालत रुपन्देहीले यसअघि धरौटीमा छाड्ने आदेश दिएको थियो तर उच्चले सो आदेश बदर गरिदिएको हो ।

अदालतको आदेश आए लगत्तै लामिछानेले आफूले स्वयं गिरफ्तारी दिएको सामाजिक सञ्जालमार्फत जानकारी दिनुभएको थियो ।।