गैँडाको आक्रमणबाट चितवनमा २ जना घाइते

आज दिउसो १२:४० बजेको समयमा चितवनको रत्ननगर नगरपालिका ७ बाघमारामा घाँस काट्न जाने क्रममा गैँडाले दुईजनालाई आक्रमण  गरेको जिल्ला प्रहरी कार्यालय चितवनले जानकारी दिएको छ।

गैँडाको आक्रमणबाट रत्ननगर न.पा.७ बस्ने बर्ष ५२ की ठुली तामाङको दाँहिने खुट्टामा र कम्मरमा चोट लागेको छ।

त्यस्तै सोही वडा बस्ने बर्ष ५६ की जानकी महताेकाे दाहिने हात र कम्मरमा चाेट लागेको प्रहरीले बताएको छ। घाइतेको  भरतपुर अस्पतालमा उपचार भइरहेको छ। घाइतेहरुको अवस्था सामान्य रहेको छ।