गैँडाकोटमा स्कुटरको ठक्करबाट एक बृद्धको मृत्यु

४५३ पटक पढिएको

गैँडाकोट । नवलपुरको गैँडाकोटमा स्कुटरको ठक्करबाट एक बृद्धको मृत्यु भएको छ।

गैँडाकोट नगरपालिका वडा नं. ५ स्थित ग्रीन डेभलपमेन्ट बैँक अगाडि बा. प्र. ०३-००३ प २८३४ नम्बरको स्कुटरको ठक्करबाट ७५ वर्षका लालप्रसाद न्यूरेको मृत्यु भएको जिल्ला प्रहरी कार्यालय नवलपुरका प्रहरी नायव उपरिक्षक सन्तोष पाठकले जानकारी दिनुभयाे ।

ठक्करबाट गम्भिर घाईते न्यूरेको चितवन मेडिकल कलेजमा उपचारको क्रममा मृत्यु भएको छ। बृद्धलाई ठक्करदिने स्कुटर चालक गैँडाकोट ८ का २३ वर्षीया मेनुका रिजाललाई प्रहरीले नियन्त्रणमा लिई थप अनुसन्धान अगाडि बढाएको छ।