कोसेली छाला जुत्ता उद्योगलाई विभागले तिरायो २ लाख जरिबाना

६४ पटक पढिएको

४ वैशाख, काठमाडौं । वाणिज्य आपूर्ति तथा उपभोक्ता संरक्षण विभागले काठमाडौंको कोसेली छाला जुत्ता उद्योगलाई २ लाख रुपैयाँ जरिबाना तिराएको छ ।

बुधबार विभागले नियमित अनुगमन अन्तर्गत ६ वटा उद्योग तथा फर्म अनुगमन गरेको थियो । सोही क्रममा काठमाडौं महानगरपालिका–१६ मा रहेको उक्त उद्योगलाई २ लाख रुपैयाँ जरिबाना तिराइएको हो ।

उक्त उद्योगले आफ्ना उत्पादनमा एमआरपी सहितको लेबल नलगाएको पाइएपछि जरिबाना सहित बिक्री वितरणमा रोक लगाइएको विभागले जनाएको छ ।