फेरि उम्मेदवार बन्न गैँडाकोट नगर प्रमुख छत्रराज पौडेलले भोलि राजिनामा दिने

४४२ पटक पढिएको

गैँडाकोट: गैँडाकोट नगर प्रमुख छत्रराज पौडेलले भोलि बैशाख ९ गते राजिनामा दिने बताउनुभएको छ।

वैशाख ३० गते शुक्रबार हुने स्थानीय तहको निर्वाचनको तयारीको लागि पुन: मेयरमा उम्मेदवारी दिनका लागि राजिनामा दिन लागेको नवलपुर अनलाइनलाई बताउनुभयो।

गैँडाकोट एमालेबाट नगर प्रमुख पदमा उम्मेदवारी टुङ्गो लागि नसकेपनि मैले पुन: नगर प्रमुखमा उम्मेदवारी दिने निर्णय लिएको हुँ पौडेलले बताउनुभयो।

मेयर पौडेलले आफ्नो कार्यकाल सकिनु भन्दा करिव एक महिनाअघि पदबाट राजीनामा दिने जानकारी गराउनुभयो।

त्यस्तै पुन: जनप्रतिनिधिको रूपमा उम्मेदवारी दिन आजै वडा नं. १ का वडासदस्य राजेन्द्र प्रसाद उपाध्याय , वडा नं. २ का वडा सदस्य प्रकाश सापकोटा र वडा नं. ४ का वडाध्यक्ष कृष्ण प्रसाद न्यौपाने सहित ३ जनाले मेयर छत्रराज पौडेल समक्ष राजिनामा बुझाउनुभएको नगरपालिकाले जनाएको छ।

आयोगले लागू गरेको आचारसंहितामा निर्वाचित जनप्रतिनिधिले आगामी निर्वाचनमा उम्मेदवार हुन चाहेमा राजीनामा दिनुपर्ने व्यवस्था रहेको छ।