उम्मेदवार मनोनयन पत्र दर्ता गर्न ३ जनालाई मात्र प्रवेश

४८२ पटक पढिएको

गैँडाकोट: वैशाख ३० गते शुक्रबार हुने स्थानीय तह सदस्य निर्वाचनको तयारीको लागि भोलि बैशाख ११ र १२ गते उम्मेदवारको मनोनयन पत्र दर्ता गर्ने कार्यक्रम रहेको छ।

उक्त मनोनयन पत्र दर्ता गर्नका लागि तीन जनालाई मात्रै निर्वाचन अधिकृतको कार्यालय रहेको कम्पाउण्ड भित्र प्रवेश दिईने गैँडाकोट निर्वाचन अधिकृत दीपशिखा मुनाकमीले बताउनुभयो।

मनोनयन पत्र दर्ता गर्ने कार्यक्रम अन्तर्गत हुन सक्ने भिडभाड नियन्त्रण गर्नका लागि मनोनयन पत्र दर्ता गर्ने कार्यमा उम्मेदवार, (उम्मेदवारको वारेस), प्रस्तावक र समर्थक (३ जना) मात्र निर्वाचन अधिकृतको कार्यालय रहेको कम्पाउण्ड भित्र प्रवेश गर्न पाउनेछन्।

साथै सबै राजनीतिक दलहरु, नागरिक समाज, आम जनसमुदायहरुले आवश्यक सहयोग गर्नुहुनेछ भन्ने आशा गरेका छौं मुनाकमीले बताउनुभयो।