शेयर बजार सोमबारदेखि शुक्रबारसम्म खोल्ने नेप्सेको तयारी

२९१ पटक पढिएको

काठमाडौँ: सरकारले हप्ताको दुई दिन परिक्षणको लागि बिदा दिने निर्णय गरेको छ। गत मंगलबार बसेको मन्त्रीपरिषद् बैठकले शनिबार र आइतबार बिदा दिने निर्णय गरेको हो।

“हाललाई परिक्षणको रुपमा २०७९ जेठ १ गतेदेखि लागु हुने गरी बिहान ९.३० बजे साझ ५.३० बजेसम्म कार्यालय संचालन हुनेछ। शनिबार र आइतबार सातामा दुई दिन सार्वजनिक बिदा दिने” नेपाल सरकारका प्रवक्ता ज्ञानेन्द्रबहादुर कार्कीले जानकारी गराए।

नेपाल स्टक एक्सचेन्ज(नेप्से) ले भने लगानीकर्तालाई कारोबारबाट वञ्चित नगर्ने गरी व्यवस्था गर्ने जनाएको छ। नेप्सेका अनुसार सरकारले निर्णय गरे अनुसार नै नेप्से शनिबार र आइतबार बन्द  हुने छ। तर आइतबारदेखि बिहीबारसम्म हुँदै आएको कारोबारलाई सोमबारदेखि शुक्रबारसम्म सारिने छ। यसअघि हप्तामा पाँच कारोबार दिन हुँदै आएको कारोबार जेठ पछि पनि पाँचै दिन हुने छ। यस बारेमा थप तयारी भैरहेको नेप्सेले जनाएको छ।