भोलिदेखि बैशाख ३० गतेसम्म गैँडाकोट नगरपालिकामा अत्यावश्यक बाहेकका सेवा बन्द

९९२ पटक पढिएको

गैँडाकोट:  गैँडाकोट नगरपालिकाले भोलि बैशाख २७ देखि ३० गतेसम्म अत्यावश्यक बाहेकका सेवाहरू बन्द गर्ने जानकारी गराएको छ।

बैशाख ३० गते हुने स्थानीय तहको निर्वाचनमा कार्यालय लगायत मातहत  कार्यालयका कर्मचारीहरु खटिएकाले भोलिदेखि कार्यालयवाट प्रदान गरिने अत्यावश्यक बाहेकका सेवा ३० गतेसम्म स्थगित गरिएको प्रमुख प्रशासकीय अधिकृत मुक्तिराम रिजालले बताउनुभयो।

बैशाख ३१ गते शनिवार, जेठ १ र २ गते सार्वजनिक विदा परेकोले जेठ ३ गतेदेखि सेवा प्रवाह सुचारु हुने नगरपालिकाले जनाएको छ।