नवलपुरबाट जेठ महिनामा ८९७ जनाले लिए नयाँ नागरिकता

४१३ पटक पढिएको

गैँडाकोट: जिल्ला प्रशासन कार्यालय नवलपुरबाट जेठ महिनामा ८९७ जनाले नयाँ नागरिकता लिएका छन्।

जेठ महिनामा मात्रै ४८६ महिला र ४११ पुरूष सहित जम्मा ८९७ जनाले नयाँ नागरिकता लिएको सहायक प्रमुख जिल्ला अधिकारी (सूचना अधिकारी) खिमराज भुसालले बताउनुभयो।

जेठ महिनामा नागरिकताको प्रतिलिपि लिनेको संख्या ६९१ रहेको छ। जसमध्ये ३७१ पुरूष र ३२० महिला छन्।

त्यस्तै नावालक परिचयपत्र बनाउनेको संख्या ६२ रहेको छ। जसमा २३ महिला र ३९ पुरूष रहेका छन्।

गत बैशाख महिनामा नयाँ नागरिकता लिनेको संख्या ४५४ रहेको छ भने प्रतिलिपि लिनेको संख्या ४८७ रहेको भुसालले बताउनुभयो।