नवलपुरबाट साउन महिनामा १२६९ जनाले लिए नयाँ नागरिकता

३०० पटक पढिएको

गैँडाकोट: जिल्ला प्रशासन कार्यालय नवलपुरबाट साउन महिनामा १२६९ जनाले नयाँ नागरिकता लिएका छन्।

साउन महिनामा मात्रै ७०१ महिला र ५६१ पुरूष सहित जम्मा १२६९ जनाले नयाँ नागरिकता लिएको सहायक प्रमुख जिल्ला अधिकारी (सूचना अधिकारी) खिमराज भुसालले नवलपुर अनलाइनलाई बताउनुभयो।

साउन महिनामा नागरिकताको प्रतिलिपि लिनेको संख्या ८५९ रहेको छ। जसमध्ये ४५१ पुरूष र ४०८ महिला छन्।

त्यस्तै नावालक परिचयपत्र बनाउनेको संख्या ९० रहेको छ। जसमा ४१ महिला र ४९ पुरूष छन्। साउन महिनामा ईपासपोर्टका लागि ईनरोलमेन्ट फारम भर्नेको संख्या २६८४ रहेको छ। जसमध्ये पुरूष १७९३ र महिला ८९१ रहेको खिमराज भुसालले जानकारी दिनुभयो।