उम्मेदवार बन्न इच्छुकले भोलि नाम टिपाउनू: काँग्रेस नवलपुर क्षेत्रीय समिति

२९४ पटक पढिएको

गैँडाकोट। नेपाली काँग्रेस क्षेत्रीय समिति नवलपुरले मंसीर ४ गतेको लागि तय भएको संघीय निर्वाचनमा उमेदवार हुन ईच्छुकलाई नाम टिपाउन आग्रह गरेको छ ।

नवलपुर क्षेत्र नं. १ अन्तर्गत पार्टिको तर्फबाट प्रत्यक्ष र समानुपातिक सांसद पदका लागि उमेदवार हुन इच्छुक योग्यता पुगेका पार्टीका सदस्यहरू सबैले भोलि भदौ १६ गते विहान ११ वजेदेखि दिउसो ४ वजेसम्म नाम टिपाउन भनिएको छ ।

काँग्रेस क्षेत्रीय सभापति अमृत भट्टचनद्धारा जारी सूचनामा क्षेत्रीय कार्यालय रजहरमा उपस्थित भै नाम टिपाउन सकिने छ ।

हालसम्म नवलपुर क्षेत्र नं. १ मा शंसाक कोईरालाकाे चर्चा छ । नवलपुरकाे विकासका लागि अन्तिम पटक चुनाव लड्ने चाहना गरेकोले पनि उनकै नाममा मात्रै सहमति कायम गराउने तयारी रहेकाे काँग्रेस स्राेत बताउँछ।

प्रदेश १ (क) मा हालका जिल्ला सभापति महेन्द्रध्वज जिसी, क्षेत्रीय सभापति अमृत भट्टचन,महासमिति सदस्य गोेकुल सापकोटा, विष्णु कुमारी कंडेल,लगायतको चर्चा छ ।

मंसिर ४ मा प्रतिनिधि सभा र प्रदेश सभा सदस्यका लागि निर्वाचन हुँदैछ।