राइड सेयरिङ प्लेटफर्म ‘सभारी’ को चितवनमा सेवा बिस्तार

६७७ पटक पढिएको

चितवन – राइड सेयरिङ प्लेटफर्म ‘सभारी’ ले आजदेखि चितवनमा आफ्नो चौथो शाखा मार्फत सेवा बिस्तार सुरु गरेको छ ।

चितवनको नारायणगढमा आज आयोजित पत्रकार सम्मेलनमा सभारीका सिइओ शेर बहादुर शाहले चितवन लगायत आसपासका स्थानीयहरूका लागि लक्षित गर्दै सेवा सुरु गरिएको जानकारी दिए।।

यस अघि रुपन्देही, काठमान्डौ र पोखरामा राइड सेयरिङ “सभारी”ले आफ्नो सेवा सुरू गरिसकेको छ।  आफ्नो सेवा चितवनमा पनि विस्तार गरेको हो ।

सभारीको सेवा लिनका लागि ग्राहकहरुले आफ्नो मोबाइलको प्लेस्टोर तथा एपस्टोर बाट Savari Taxi Auto & Bike लेखिएको  एप्लीकेशन डाउनलोड गरेर सेवा लिन सक्ने शाहले बताए।

सभारीको एप्लीकेशनमा गई चढ्ने ठाउँ र आफुजाने गन्तव्य छनोट गरिसकेपछि नजिकै रहेका सभारी दर्ता रहेका सवारीसाधन बढिमा ५ मिनेट भित्रै  सो स्थानमा आईपुग्नेछन्।

एप मार्फत सम्बन्धित ठाउँमा पुग्नका लागि लाग्ने शुल्क देखिने हुँदा यात्रुहरुले सवारीसाधनसँग बार्गेनिङ गर्नुनपर्ने कम्पनीले बताएको छ ।अटोचालकहरु समेत सभारीसँग जोडिन सक्नेछन् ।

मोटरसाईकल, अटो र ट्याक्सी गरि तीन प्रकारका सवारी मार्फत सभारीले चितवनमा सेवा सुरुवात गरेको हो ।