नारायणी नदीमा आएको बाढीले गैंडाकोटका ८० घर डुबानमा

३२९ पटक पढिएको

लगातार वर्षापछि नारायणी नदीमा आएको बाढीले नवलपुरको गैंडाकोटमा ८० घर डुबाएको छ।

गैंडाकोट नगरपालिका–२ मा रहेको बोटे टोलमा नारायणीको बाढी पस्दा ८० घर डुबानमा परेको वडा नं. २ का वडाध्यक्ष प्रकाश सापकोटाले बताउनुभयो।

गैंडाकोट–२ का जनप्रतिनिधि र इलाका प्रहरी कार्यालय गैंडाकोटबाट खटिएको प्रहरी टोलीले डुबान क्षेत्रमा रहेका मानिसलाई चौपाया र सरसामानसहित उद्धार गरेर अक्स्फोर्ड कलेज र महेन्द्र स्मारक आधारभूत विद्यालयमा राखिएको थियो।

लगातार परेको वर्षापछि नारायणी नदीमा आएको बाढीका कारण जिल्लाका गैंडाकोट, देवचुली, कावासोती, मध्यविन्दु र विनयी त्रिवेणीका नारायणी नदी तटीय क्षेत्रका बासिन्दा जोखिममा छन्। बाढीको सम्भावित जोखिमलाई ध्यानमा राख्दै सर्वसाधारणलाई सजग हुन आग्रह गर्दै सुरक्षा निकायलाई तयारीमा राखेको प्रमुख जिल्ला अधिकारी सुमन घिमिरेले बताए।