समानुपातिक मतपत्र र मतदाता नामावली भोलि नवलपुर आईपुग्ने

५४५ पटक पढिएको

प्रकाश भण्डारी। आगामी मंसिर ४ गते हुन लागेको प्रतिनिधिसभा र र प्रदेशसभा सदस्य निर्वाचन अन्तर्गत नवलपुरको समानुपातिक निर्वाचन प्रणालीतर्फको मतपत्र र अन्तिम मतदाता नामावली भोलि नवलपुर आउने भएको छ।

जिल्लालाई आवश्यक पर्ने समानुपातिक निर्वाचन प्रणालीतर्फको मतपत्र र अन्तिम मतदाता नामावली आयोगबाट प्याकिङ्ग भैसकेको र भोलि नवलपुरमा आईपुग्ने जिल्ला निर्वाचन अधिकारी लाल प्रसाद शर्मा (भुसाल) ले नवलपुर अनलाइनलाई बताउनुभयो।

सो निर्वाचन प्रणालीतर्फको मत रुजु गरेर  मुख्य निर्वाचन अधिकृतको कार्यालयमा भण्डारण गरिने शर्माले जानकारी दिनुभयो ।