रूरू जलविद्युतको १०.५२ प्रतिशत लाभांश पारित हुँदै

३०० पटक पढिएको

काठमाडौं । रुरु जलविद्युत परियोजनाले कार्तिक ४ गते (आज) १७ औं वार्षिक साधारण सभा बोलाएको छ ।

बानेश्वर ब्याङ्केट, थापा गाउँ नयाँबानेश्वरमा दिउँसो १ बजे बोलाईएको छ । सभाले प्रस्तावित कुल १० दशमलव ५२ प्रतिशत लाभांश वितरणको प्रस्ताव पारित गर्नेछ ।

कम्पनीको असोज ७ गतेको सञ्चालक समितिको बैठकले गत आर्थिक वर्ष २०७८/७९ को सञ्चित मुनाफाबाट १० प्रतिशत बोनस शेयर र कर प्रयोजनका लागि शून्य दशमलव ५२६३ प्रतिशत नगद लाभांश वितरण गर्ने प्रस्ताव गरेको हो ।

कम्पनीले साधारण सभा प्रयोजनका लागि असोज २७ गते बुक क्लोज गरेको छ । बुक क्लोजको आधारमा असोज २६ गतेसम्म कायम शेयरधनीले सभामा भाग लिन र लाभांश प्राप्त गर्न सक्नेछन् ।