प्रधानमन्त्रीका प्रेस सल्लाहकार परियारको नाम बन्दसूचीबाट हटाईयो

२६० पटक पढिएको

काठमाडौं । प्रधानमन्त्री शेरबहादुर देउवाका प्रेस सल्लाहकार गोविन्द परियारको नाम प्रतिनिधिसभा तर्फको समानुपातिकको बन्दसूचीबाट हटाईएको छ ।

नेपाली कांग्रेसले बन्दसूचीमा समावेश गरेकाे परियारविरुद्ध निर्वाचन आयोगमा उजुरी परेपछि नाम हटाईएको हो ।

परियार नेपाल सरकारको लाभको पद प्रधानमन्त्रीको प्रेस सल्लाहकार धारण गरेकाले उनको नाम बन्दसूचीमा रहेकोमा आवश्यक कारबाही गरिपाऊँ भन्दै कविता नेपालीले उनीविरुद्ध उजुरी गरेकी थिइन् ।

कांग्रेसले प्रतिनिधिसभाको समानुपातिकतर्फको बन्दसूची पेश गर्दा दलिततर्फको चौथो नम्बरमा परियारको नाम समावेश गरेको थियो । राजधानी दैनिकबाट