आफ्नै मामाको हत्या गर्ने भान्जा पक्राउ

आफ्नै मामाको हत्या गरेको अभियोगमा भान्जा पक्राउ परेका छन्।

पथरी शनिश्चरे नगरपालिका-१ मोरङ बस्ने ४२ वर्षीय काजी मोहराको धारिलो हतियार दाउ प्रहार गरी हत्या गरेको अभियोगमा उर्लाबारी नगरपालिका-८ बस्ने २२ वर्षीय भान्जा सुजन पाचकोटीलाई आइतबार राति प्रहरीले पक्राउ गरेको छ ।

उर्लाबारी नगरपालिका-८ स्थित कल्पना पाचकोटीको घरमा पाहुना आएका काजी मोहरालाई घरायसी वादविवादको क्रममा सुजनले दाउ प्रहार गर्दा गम्भीर घाइते भई उपचारको लागि मदन भण्डारी अस्पताल तथा ट्रमा सेन्टर मंगलबारेमा लगिएकोमा उनको उपचारको क्रममा मृत्यु भएको थियो ।

घटनामा संलग्न सुजनलाई प्रहरीले पक्राउ गरि थप अनुसन्धान गरिरहेको बताएको छ।