७ हजार घुस सहित सशस्त्र प्रहरीका जवान पक्राउ

नवलपरासी पश्चिमको बर्दघाट सुस्ता पश्चिम सशस्त्र प्रहरी बल नेपाल सुरक्षा बेसक्याम्प सेमरीमा कार्यरत सशस्त्र प्रहरी जवान मुख्तार देवान ७ हजार घुस सहित पक्राउ गरेका हुन्।

महेशपुर सीमा नाकाबाट सामानहरु खरिद गरी ल्याउन सहजीकरण गरिदिने भनी सेवाग्राहीसँग घुस मागेको अवस्थामा निजलाई अख्तियार दुरुपयोग अनुसन्धान आयोग बुटवलबाट खटिई गएको टोलीले नियन्त्रणमा लिई थप अनुसन्धान भइरहेको आयोगका प्रवक्ता श्याम प्रसाद भण्डारीले जानकारी गराउनुभयो।