नेप्सेमा ३१.९७ अंकको गिराबट

२०२ पटक पढिएको

काठमाडौं  । नेपाल स्टक एक्सचेञ्ज (नेप्से) साताको कारोबारको पहिलो  दिन आइतबार दोहोरो अंकले घटेको छ । आज नेप्से ३१.९७ अंकले घटेर एक हजार ८ सय ८५ दशमलब ३१ विन्दुमा बन्द भएको छ । गत बुधबार नेप्से परिसूचकांक एक हजार ९ सय १७ दशमलब २८ विन्दुमा बन्द भएको थियो । मंगलबार नेप्से ४.८७ अंकले घटेर एक हजार ९ सय ३३ दशमलब ८८ विन्दुमा बन्द भएको थियो ।

त्यस्तै, आज शेयर बजार को परिसूचकांकसँगै  कारोबार रकम पनि घटेको छ । बुधबार नेप्सेमा एक अर्ब ६५ करोड ४६ लाख रुपैयाँ बराबरको कारोबार भएको छ । मंगलबार नेप्सेमा ९६ करोड ५२ लाख रुपैयाँ बराबरको करोबार भएको थियो । आइतबार एक अर्ब १० करोड ३४ लाख रुपैयाँ बराबरको कारोबार भएको नेप्सेले जनाएको छ ।

कारोबारमा आएका कम्पनीहरुमध्ये २५ वटा कम्पनीको शेयरमुल्य बढेको छ भने १८० वटा कम्पनीको शेयरमूल्य घटेको छ । ३ कम्पनीको शेयरमूल्य स्थिर रहेको छ । आज तीन कम्पनीको शेयरमूल्यमा उच्च वृद्धि भएको छ । सिवाइसी लघुवित्त, समित लघुत्ति र मैलुङ खोला जलविद्युत कम्पनीको शेयरमूल्यमा उच्च वृद्धि भएको छ । सीवाइसी लघुवित्तको १० प्रतिशत, समित लघुवित्तको ९.९९ र मैलुङ खोला जलविद्युतको ९.५० प्रतिशतले बढेर कारोबार भएको छ ।

नेप्सेका अनुसार आज नाडेप लघुवित्त वित्तीय संस्था र पाँचथर पावरको शेयरमूल्यमा गिरावट भएको छ । यसको शेयरमूल्य १० प्रतिशतसम्म घटेको हो । त्यस्तै, कारोबारको आधारमा आज सबैभन्दा बढी शिवम सिमेन्टको शेयरको भएको छ । यसको आज १० करोड ९३ लाख भन्दा बढीको कारोबार भएको छ ।