व्यावसायिक प्रयोजनका लागि माईकिङ नगर्नू: गैँडाकोट नगरपालिका

२०१ पटक पढिएको

गैँडाकोट । व्यावसायिक प्रयोजनका लागि नगरभित्र चर्को आवाजमा माइकिङ्ग गर्ने चलन बढेपछि गैँडाकोट नगरपालिकाले त्यसो नगर्न भन्दै एक सूचना जारि गरेको छ।

गैंडाकोट नगरपालिकाले नगर भित्रका स्थानीय बजार तथा टोलटोलमा व्यापार व्यवसायको नाममा गाडी, रिक्सा, अटो, ठेला लगायतका साधनमा उच्च आवाजमा स्पिकर जडान गरि माइकिङ्ग नगर्न व्यापारीहरुलाई आग्रह गरेको हो ।

चर्को आवाजमा माइकिङ्ग गर्दा यसले ध्वनी प्रदुषणका साथै स्वास्थ्यमा समेत नकरात्मक असर पर्ने भएकाले यसलाई बन्द गर्न आग्रह गरिएको गैंडाकोट नगरपालिकाका प्रमुख प्रशासकीय अधिकृत मुक्तिराम रिजालद्धारा जारी सूचनामा उल्लेख छ ।

ध्वनी प्रदुषणका कारण बृद्ध तथा बालबालिका साथै मुटु रोग लगायतका समस्या भएका व्यक्तिलाई बढी समस्या निम्त्याएको गुनासो नगरपालिकामा आएपछि नगरपालिकाले त्यसबारे चासो देखाएको हो ।

पालिकाको आग्रहलाई अटेर गरि टोल बजारमा कसैले ठुलो आवाजमा बिज्ञापन वा माइकिङ्ग गर्दै हिडेमा सामाग्री जफत गरिने नगरपालिकाले जनाएको छ ।