जबरजस्ती करणी गरेको अभियोगमा एकजना पक्राउ

पाल्पा। १४ वर्षीया किशोरीलाई जबरजस्ती करणी गरेको अभियोगमा एकजनालाई प्रहरीले पक्राउ गरेको छ।

तिनाउ गाउँपालिका-१ ठुलीउदाङ पाल्पा बस्ने २१ वर्षीय हिमाल सोमरेलाई आइतबार दिउँसो प्रहरीले पक्राउ गरेको हो ।

हिमालले ती किशोरीलाई असार ३ गते जबरजस्ती करणी गरेको र ती किशोरी गर्भवती समेत भएको भन्दै प्रहरीमा उजुरी परेपछि प्रहरी चौकी दोभानबाट खटिएको प्रहरीको टोलीले उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको प्रहरीले जनाएको छ।