नयाँ सरकारको गठनसँगै शेयर बजारमा उछाल

२०९ पटक पढिएको

नयाँ सरकार गठनको प्रक्रियाले नयाँस्वरुप लिएपछि धितोपत्र बजारले त्यसलाई स्वागत गरेको छ । धितोपत्र बजारमा शेयर कारोबार मापक नेप्से परिसूचक आज उच्च अंकले वृद्धि भएको छ ।

नेपाल स्टक एक्सचेञ्जका अनुसार आजको कारोबारमा नेप्से परिसूचक ५६ दशमलव ८८ अंकले वृद्धि भई एक हजार नौ सय २४ दशमलव शून्य नौ विन्दुमा पुगेको छ । यो दिनको कारोबारमा ठूला कम्पनीको कारोबार मापक सेन्सेटिभ परिसूचक आठ दशमलव ३८ अंकले उकालो लागेर तीन सय ७५ दशमलव ४५ मा पुगेको छ ।

यस्तै कारोबार भएका कूल १३ उपसमूहमध्ये आज अन्य उपसमूहको मात्रै शेयर मूल्यमा गिरावट आएको छ । यस्तै १२ उपसमूहको शेयर मूल्य भने उकालो लागेको छ । कारोबार भएका कम्पनीमध्ये दुई सय तीन उपसमूहको शेयर मूल्यमा वृद्धि भएको छ भने चार उपसमूहको शेयर मूल्यमा गिरावट आउँदा एउटा उपसमूहको शेयर मूल्यमा कुनै परिवर्तन भएको छैन ।

आज कूल ५६ लाख ५३ हजार ५३ कित्ता शेयर दुई अर्ब नौ करोड ७० लाख ४९ हजार नौ सय ४१ रुपैयाँ मूल्यमा खरिद बिक्री भएका छन् । सोमबारको कारोबारपछि बजार पुँजीकरण २७ खर्ब ८२ अर्ब २७ करोड एक लाख ४१ हजार एक सय ३७ रुपैयाँ पुगेको छ । कारोबार रकमका आधारमा दूरसञ्चार प्राधिकरण शीर्ष स्थानमा छ । सो कम्पनीको २० करोड ८८ लाख सात हजार दुई सय ४४ रुपैयाँ बराबरको शेयर कारोबार भयो ।

त्यस्तै, हमिालयन डिस्टिलरी ११ करोड ११ लाख ४७ हजार ७७ रुपैयाँ , नवील बैंक नौ करोड ११ लाख २१ हजार एक सय ५० रुपैयाँ, रिडी हाइड्रोपावर रु सात करोड २६ लाख १७ हजार चार सय सात, एनआइसी एशिया बैंक छ करोड ८७ लाख २३ हजार पाँच सय नौ रुपैयाँ बराबरको कारोबार भई शीर्ष पाँचभित्र पर्न सफल भए । आज चार कम्पनीको शेयर मूल्य १० प्रतिशतले वृद्धि भई सकारात्मक सर्किट लागेको छ ।

जसमा गुर्खाज फाइनान्स, धौलागिरि लघुवित्त, खप्तड लघुवित्त, सिर्जनशील लघुवित्त छन् । रिलायन्स फाइनान्सको शेयर मूल्य नौ दशमलव ९८ प्रतिशत बढेको छ । यस्तै नेपाल दूरसञ्चार कम्पनीको शेयर मूल्य पाँच दशमलव ५६, सिवासी नेपाल लघुवित्तको शेयर मूल्य चार दशमलव ६७, सिद्धार्थ इन्भेस्टमेन्ट ग्रोथ स्किम दोस्रो दुई दशमलव १३, सिद्धार्थ बैंकको ऋणपत्र दुई र कुमारी बैंकको ऋणपत्रका लगानीकर्ताले एक दशमलव ९९ प्रतिशतले गुमाएका छन् ।