अस्पतालको ट्वाइलेटमा बच्चा जन्माएर युवती फरार

२०१ पटक पढिएको

नवजात शिशुलाई जन्म दिएर एक युवती फरार भएकी छिन् ।  सोमबार सुत्केरी व्यथाले च्यापेपछि सर्लाहीको मलङ्गवास्थित प्रादेशिक अस्पतालमा आइ शौचालयमा शिशुलाई जन्म दिएर एक भारतीय युवती फरार भएकी हुन् ।

नवजात शिशुलाई अस्पताल परिसरमा रहेको वन स्टप क्राइसिस म्यानेजमेन्ट सेन्टर (ओसीएमसी) मा राखिएको छ । नवजात शिशुको स्वास्थ्य अवस्था सामान्य रहेको डा. झाले बताए ।

अवैध सम्बन्धका कारण शिशुको जन्म भएको हुनसक्ने आशंका गरिएको छ । घटनाबारे थप अनुसन्धान र आमाको खोजी भइरहेको सर्लाहीले जनाएको छ ।

जिल्ला प्रहरी कार्यालय सर्लाहीले दिएको जानकारी अनुसार भारतको सोनवर्षा घर बताउने ती युवती सोमबार दिउँसो १ बजे अस्पताल पुगेकी थिइन् । सुत्केरी बेथाले च्यापेपछि अस्पताल पुगेकी उनले शौचालयमा गएर छोरालाई जन्म दिएकी थिइन् ।